✥ Τῇ Θ’ (9ῃ), τοῦ αὐτοῦ μηνὸς μνήμη τοῦ Ἁγίου Ἀποστόλου ΙΑΚΩΒΟΥ τοῦ Ἀλφαίου.
Τὸν Σταυρὸν Ἰάκωβος αἴρων ἡδέως,
Ὡς ἔστι, Σῶτερ, ἄξιός σου δεικνύει.
Ἀμφ’ ἐνάτην Ἰάκωβος ἑνὶ σταυρῷ τετάνυστο.
✥ Τῇ αὐτῇ ἡμέρᾳ μνήμη τοῦ Ὁσίου Πατρὸς ἡμῶν ΑΝΔΡΟΝΙΚΟΥ καὶ ΑΘΑΝΑΣΙΑΣ τῆς συμβίας αὐτοῦ.
Σύσκηνον Ἀνδρόνικος Ἀθανασίαν,
Κόσμῳ τ’ ἐν ἀσκήσει τε κἂν πόλῳ ἔχει.
✥ Τῇ αὐτῇ ἡμέρᾳ ἡ Ὁσία ΠΟΠΛΙΑ, ἡ Ὁμολογήτρια, ἐν εἰρήνῃ τελειοῦται.
Ρυσθεῖσα κόσμου τῆς πλάνης ἡ Ποπλία,
Πόλου πρόσεισι φωλεοῖς ὡς στρουθίον.
✥ Τῇ αὐτῇ ἡμέρᾳ ὁ Ὅσιος Πατὴρ ἡμῶν ΠΕΤΡΟΣ ὁ ἀπὸ στρατιωτῶν ἐν εἰρήνῃ τελειοῦται.
Εἰς ὕψος ἀρθεὶς ἀρετῶν θεῖος Πέτρος,
Τὸν χοῦν ἀπεκδὺς ὕψος οὐρανοῦ φθάνει.
✥ Μνήμη τῶν Δικαίων ΑΒΡΑΑΜ καὶ ΛΩΤ τοῦ ἀνεψιοῦ αύτοῦ.
Εἰς τὸν Ἀβραάμ·
Τὶς οἶκός ἐστι, Ἀβραὰμ τεθνηκότος,
Οὗ κόλπος ἄλλοις οἶκος ὡς τῷ Λαζάρῳ .
Εἰς τὸν Λώτ·
Ὑπῆρξε τῷ Λὼτ οὐρανὸς Σηγὼρ νέα,
Εἰς ὃν φθάσας πέφευγεν ὡς πῦρ τὸν βίον.