✥ Τῇ Ζ’ (7ῃ) τοῦ αὐτοῦ μηνὸς μνήμη τοῦ ἐν Ἁγίοις Πατρὸς ἡμῶν ΑΜΒΡΟΣΙΟΥ Ἐπισκόπου Μεδιολάνων.

Τὸ φθαρτὸν Ἀμβρόσιος ἐκδὺς σαρκίον,
Θείας μετέσχεν ἀμβροσίας ἀξίως.
Ἑβδόμῃ Ἀμβρόσιος ποτὶ ἄμβροτον ἤλυθεν οὖδας [1].

ΣΥΝΑΞΑΡΙΟΝ

✥ Τῇ αὐτῇ ἡμέρᾳ μνήμη τοῦ Ἁγίου Μάρτυρος ΑΘΗΝΟΔΩΡΟΥ.

Χαίρων Ἀθηνόδωρος εἰ τμηθεὶς ξίφει,
Ἀφηρέθη τὸ πνεῦμα καὶ πρὸ τοῦ ξίφους.

ΣΥΝΑΞΑΡΙΟΝ

✥ Ὁ Ἅγιος Μάρτυς ΝΕΟΦΥΤΟΣ, ἐν τῇ θαλάσσῃ βληθείς, τελειοῦται.

Θανὼν ὁ Νεόφυτος ὑδάτων μέσον
Παρ’ ὑδάτων ζῇ μυστικῶν διεξόδους.

✥ Ὁ Ἅγιος Μάρτυς ΔΟΜΕΤΙΟΣ ξίφει τελειοῦται.

Δός, Δομέτιε χριστομάρτυς, καὶ λάβε·
Δὸς τὴν κεφαλὴν καὶ λάβε στέφος μέγα.

✥ Οἱ Ἅγιοι Μάρτυρες ΙΣΙΔΩΡΟΣ, ΑΚΕΨΙΜΑΣ καὶ ΛΕΩΝ πυρὶ τελειοῦνται.

Διττοῖς συνάθλοις, Ἰσίδωρε, συμφλέγου,
Ἴσων γὰρ αὐτοῖς δωρεῶν Θεοῦ τύχῃς.

✥ Ὁ Ὅσιος ΑΜΜΟΥΝ ὁ τῆς Νιτρίας ἐν εἰρήνῃ τελειοῦται.

Ἀμμοὺν πατρὸς κατεῖδε Νιτρία τρία,
Κόσμου φυγήν, ἄσκησιν, ἔξοδον βίου.

✥ Οἱ Ἅγιοι Μάρτυρες ΓΑΪΟΣ καὶ ΓΑΪΝΟΣ πυρὶ τελειοῦνται.

Ἂν καὶ καμίνου, Γάϊε, βληθῇς μέσον,
Σοῦ Γαϊανός, οὐκ ἀφέξομαι, λέγει.

✥ Τῇ αὐτῇ ἡμέρᾳ οἱ Ἅγιοι ΤΡΙΑΚΟΣΙΟΙ ΜΑΡΤΥΡΕΣ, οἱ ἐν Ἀφρικῇ, ξίφει τελειοῦνται.

Δόξης ὑπὲρ σῆς, ὦ Τριάς, τετμημένην,
Διπλοτριπλῆν δέχου με ἑξηκοντάδα.

ΣΥΝΑΞΑΡΙΟΝ

✥ Οἱ ἐν τῷ Ναῷ ὑμνοῦντες τὸν Θεὸν ΟΡΘΟΔΟΞΟΙ πυρὶ τελειοῦνται.

Ὄντως Ναὸς πέφηνε, τοῦ Ναοῦ μέσον,
Καυθὲν τὸ πλῆθος τοῦτο, δι’ ὀρθὸν σέβας.

✥ Οἱ Ἅγιοι ΔΥΟ ΙΕΡΕΙΣ πρισθέντες τελειοῦνται.

Καὶ Ἱερεῖς πρισθῆναι σπουδαίως δύο,
Εἵλοντο μᾶλλον ἢ λιπεῖν τὸ σφῶν σέβας.

✥ Οἱ Ἅγιοι ΕΞΗΚΟΝΤΑ ΙΕΡΕΙΣ, οἵπερ τμηθέντες τὰς γλώσσας, πάλιν ἐλάλουν.

Δεκὰς ἄγλωττος ἑξαπλῆ λαλεῖν πάλιν,
Τρανοῦσα πᾶσι τὴν ἀλήθειαν ξένως.

✥ Ἡ ἐν τῇ Ρώμῃ ΟΡΘΟΔΟΞΟΣ ΓΥΝΗ πυρὶ τελειοῦται.

Μισοῦσα γυνὴ δόγμα τῶν κακοφρόνων,
Ξένην ὑπέστη καῦσιν· ὤ τῆς ἀνδρείας!

✥ Ὁ Ὅσιος ΙΓΝΑΤΙΟΣ, ὁ πλησίον τῶν Βλαχερνῶν κείμενος, ἐν εἰρήνῃ τελειοῦται.

Πλήρης ἀπῆλθες πράξεων χρηστῶν, Πάτερ,
Ἐκ τοῦ ματαίου καὶ κακῶν πλήρους βίου.

✥ Τῇ αὐτῇ ἡμέρᾳ μνήμη τοῦ Ὁσίου Πατρὸς ἡμῶν ΠΑΥΛΟΥ Μοναχοῦ τοῦ Ὑποτακτικοῦ.

Σπεύδων ὁ Παῦλος τοὺς ἅπαντας λανθάνειν,
Ἔλαμψε μᾶλλον ἢ τὸ φῶς πανταχόσε.

ΣΥΝΑΞΑΡΙΟΝ

✥ Ὁ Ἅγιος Μάρτυς ΠΡΙΣΚΟΣ λιμῷ τελειοῦται.

Λιμῷ θανόντα Πρίσκον ἄρτου γηΐνου,
Ὁ Χριστὸς ἄρτον ψωμιεῖ τῶν Ἀγγέλων.

✥ Ὁ Ἅγιος Μάρτυς ΜΑΡΤΙΝΟΣ πελέκει κατακοπεὶς τελειοῦται.

Πελέκει συγκόπτουσι Μαρτίνου κρέα,
Κρεῶν μακέλλαις δυσσεβεῖς ἀνθρωπίνων.

✥ Ὁ Ἅγιος Μάρτυς ΝΙΚΟΛΑΟΣ πυρὶ τελειοῦται.

Ἐξῆλθε δόγμα δαίμοσι πλάνης θύειν,
Οἷς, Νικόλαε, μὴ θύων εἰς πῦρ θύῃ.

✥ Τὰ Ἐγκαίνια τῆς ΥΠΕΡΑΓΙΑΣ ΘΕΟΤΟΚΟΥ ἐν τοῖς Κουράτορος.

✥ Ὁ Ὅσιος καὶ Ἡσυχαστὴς ΓΡΗΓΟΡΙΟΣ, ὁ κτίτωρ τῆς ἐν τῷ Ἄθῳ Ἱερᾶς Μονῆς τοῦ Ἁγίου Νικολάου, ἐν εἰρήνῃ τελειοῦται.

Κτίτωρ Μονῆς σὺ Νικολάου ὡράθης,
Ὅθεν κατοικεῖς ἐν Μοναῖς ταῖς τοῦ Πόλου.

✥ Τοῦ Ὁσίου ΙΩΑΝΝΟΥ τοῦ Νηστευτοῦ τοῦ ἐν τῷ Σπηλαίῳ Ρώσου.

ΕΠΙΣΤΡΟΦΗ