✥ Τῇ Γ’ (3ῃ) τοῦ αὐτοῦ μηνὸς μνήμη τῶν Ὁσίων Πατέρων ἡμῶν ΔΑΛΜΑΤΟΥ, ΦΑΥΣΤΟΥ καὶ ΙΣΑΚΙΟΥ ἢ ΙΣΑΑΚΙΟΥ.
Κυκλοῦσιν ἄνδρες εἰς δύω, τρεῖς σὸν θρόνον,
Ὕψιστε, Φαῦστος, Ἰσάκιος, Δαλμάτος.
Δαλμάτος Ἰσάκιος τριτάτῃ θάνον ἠδέ τε Φαῦστος.
✥ Τῇ αὐτῇ ἡμέρᾳ μνήμη τοῦ Ἁγίου Ἱερομάρτυρος ΣΤΕΦΑΝΟΥ Πάπα Ρώμης καὶ τῶν σὺν αὐτῷ.
Τμηθεὶς Στέφανος θεῖον ἥρπασε στέφος,
Πάπας μὲν ὢν πρίν, νῦν δὲ καὶ Μάρτυς μέγας.
✥ Μνήμη τοῦ Ὁσίου Πατρὸς ἡμῶν καὶ ὁμολογητοῦ ΙΩΑΝΝΟΥ, Ἠγουμένου τῆς Μονῆς τῆς Παταλαραίας.
Θείας χάριτος, ὦ Ἰωάννη μάκαρ,
Κλῆσιν κατὰ σήν, οἶκος ὤφθης ἄξιος.
✥ Ἡ Ἁγία ΣΑΛΩΜΗ ἡ Μυροφόρος ἐν εἰρήνῃ τελειοῦται.
Τῆς σαρκὸς οἶον ἐκκυλισθείσης λίθου,
Ὁρᾷ Σαλώμη Χριστόν, οὐ Χριστοῦ τάφον.
✥ Τῇ αὐτῇ ἡμέρᾳ μνήμη τῆς Ὁσίας ΘΕΟΚΛΗΤΟΥΣ τῆς θαυματουργοῦ ἐν εἰρήνῃ τελειωθείσης.
Θεοκλητὼ τὴν κλῆσιν ἔργῳ δεικνύει,
Κλητὴ Θεῷ φανεῖσα σαρκὸς ἐκδύσει.
✥ Μνήμη τοῦ Ὁσίου Πατρὸς ἡμῶν ΑΝΤΩΝΙΟΥ τοῦ Ρωμαίου Νοβογοροδίας τοῦ θαυματουργοῦ Ρώσου.