✥ Τῇ ΚΖ’ (27ῃ) τοῦ αὐτοῦ μηνὸς μνήμη τοῦ Ὁσίου πατρὸς ἡμῶν ΠΟΙΜΕΝΟΣ.
Ὡς ἐκ λύκου χαίνοντος ἡρπάγη βίου,
Ποιμὴν τὸ θρέμμα τοῦ μεγίστου Ποιμένος.
Ποιμένα εἰς μέγαν ἑβδόμῃ εἰκάδι ᾤχετο Ποιμήν.
✥ Τῇ αὐτῇ ἡμέρᾳ μνήμη τοῦ ἐν Ἁγίοις Πατρὸς ἡμῶν καὶ Ὁμολογητοῦ ΛΙΒΕΡΙΟΥ, Πάπα Ρώμης.
Τὸν πλοῦτον ἀντλεῖν Λιβέριος νῦν ἔχει,
Ὃν οὐρανοῖς ἦν ἐμφρόνως θησαυρίσας.
✥ Τῇ αὐτῇ ἡμέρᾳ μνήμη τοῦ ἐν Ἁγίοις πατρὸς ἡμῶν ΟΣΙΟΥ, Ἐπισκόπου Κορδούης.
Τὴν κλῆσιν εἰπών, Ὅσιε, τὴν σὴν μόνην,
Πληρῶ θανόντι τῶν ἐπαίνων σοι χρέος.
✥ Ἡ ὑπὸ τοῦ Ἁγίου Φιλίππου γενομένη βάπτισις τοῦ ΑΙΘΙΟΠΟΣ εὐνούχου.
Ἀνὴρ ἐλέγχει τὴν παροιμίαν Σπάδων,
Λευκαίνεται γὰρ καὶ πεφυκὼς Αἰθίοψ.
✥ Ἡ Ἁγία Μάρτυς ΑΝΘΟΥΣΑ ἡ νέα, τρίχινον ράκος ἐνδυθεῖσα, καὶ πέτραν εἰς τὸν τράχηλον αὐτῆς περιδεθεῖσα, ἐν φρέατι ρίπτεται καὶ τελειοῦται.
Ὁ μανδύας σοι πῖλος, ἡ πόρπη πέτρα,
Μεθ’ ὧν ὑπῆλθες, Ἀνθοῦσα, βαθὺ φρέαρ.
✥ Τῇ αὐτῇ ἡμέρᾳ μνήμη τοῦ Ἁγίου ἐνδόξου Μεγαλομάρτυρος ΦΑΝΟΥΡΙΟΥ τοῦ Νεοφανοῦς.
Φανούριος φῶς πᾶσι πιστοῖς παρέχει,
Κἄν εἰς σκότος δ’ ἔκειτο τῆς γαίας μέγα.
Ἔνθα σοι σηκὸς Φανουρίεο ζάθεος ἔνι.