✥ Τῇ ΙϚ’ (16ῃ) τοῦ αὐτοῦ μηνὸς μνήμη τοῦ ἐν Ἁγίοις Πατρὸς ἡμῶν ΤΥΧΩΝΟΣ Ἐπισκόπου Ἀμαθοῦντος τῆς νήσου Κύπρου τοῦ θαυματουργοῦ.
Βλάβην ὀλεθρεύοντος ἐκφυγὼν Τύχων,
Ζωῆς τυχὼν γέγηθε τῆς ἀνωλέθρου,
Ἕκτῃ καὶ δεκάτῃ κατερύκακε [1] γάϊα Τύχωνα.
✥ Ὁ Ἅγιος Ἰερομάρτυς ΜΑΡΚΟΣ Ἐπίσκοπος Ἀπολλωνιάδος, λίθων ἐκ τῶν χειρῶν αὐτοῦ ἐξαρτηθέντων, τελειοῦται.
Ζυγὸς σύ, Μάρκε, τῷ βάρει τῷ τῶν λίθων,
Τὰς χεῖρας ὡς πλάστιγγας ἐκκρεμῶν κάτω.
✥ Οἱ Ἅγιοι ΠΕΝΤΕ ΜΑΡΤΥΡΕΣ οἱ ἐν Νικομηδείᾳ ξίφει τελειοῦνται.
Πίπτει συνάθλων πενταπύργιον μέγα,
Σεισμῷ κλονηθὲν τῷ ξίφει τοῦ δημίου.
✥ Οἱ Ἅγιοι ΤΕΣΣΑΡΑΚΟΝΤΑ Μάρτυρες οἱ Ρωμαῖοι πυρὶ τελειοῦνται.
Πῦρ πεντέπεντε, πεντεπέντε γεννάδας,
Καὶ πεντεπεντέπεντε, καὶ πέντε φλέγει.
Ὑποσημειώσεις
[1] Κατερύκακε· κατέσχε.