✥ Τῇ ΚΗ’ (28ῃ) τοῦ αὐτοῦ μηνὸς μνήμη τοῦ Ὁσίου Πατρὸς ἡμῶν καὶ Ὁμολογητοῦ ΒΑΣΙΛΕΙΟΥ, Συναθλητοῦ τοῦ Ἁγίου Προκοπίου τοῦ Δεκαπολίτου.
Ὁ Βασίλειος Χριστὸν ἐν ψυχῇ φέρων,
Ψυχὴν σκιᾶς τίθησι τῆς αὐτοῦ χάριν.
Κρύψαν ὑπὸ χθόνα εἰκάδι ὀγδοάτῃ Βασίλειον.
✥ Τῇ αὐτῇ ἡμέρᾳ μνήμη τοῦ Ἁγίου Ἱερομάρτυρος ΠΡΟΤΕΡΙΟΥ Ἀρχιεπισκόπου Ἀλεξανδρείας, καλάμοις ὀξέσι σφαγέντος.
Ὁ Προτέριος σφάττεται τοῖς καλάμοις,
Ὀξυγράφος κάλαμος ὢν κατὰ πλάνης.
✥ Ὁ Ὅσιος ΒΑΡΣΟΣ, Ἐπίσκοπος Δαμασκοῦ, ἐν εἰρήνῃ τελειοῦται.
Πανήγυριν ρέοντος ἐκλιπὼν βίου,
Σύνεστι Βάρσος Ἀγγέλων πανηγύρει.
✥ Ὁ Ἅγιος Μάρτυς ΑΒΡΙΚΙΟΣ ξίφει τελειοῦται.
Χριστοῦ λατρευτὴς αὐχένα τμηθεὶς ξίφει,
Θεῶν λατρευτὰς Ἀβρίκιος αἰσχύνει.
✥ Τῇ αὐτῇ ἡμέρᾳ ὁ Ἅγιος Μάρτυς ΝΕΣΤΩΡ σταυρωθεὶς τελειοῦται.
Οὐκ εἶχεν εἶδος οὐδὲ κάλλος ἐν ξύλῳ,
Νέστωρ ἁπλωθείς, τὸ προφητικὸν φάναι.
ΝΕΣΤΩΡ ὁ Ἅγιος Μάρτυς ἔζησε κατὰ τοὺς χρόνους τοῦ βασιλέως Δεκίου καὶ τοῦ ἡγεμόνος Πουπλίου ἐν ἐτει σν’ (250), κατήγετο δὲ ἀπὸ τὴν Πέργην τῆς Παμφυλίας. Ἀλλὰ ἐπειδὴ ἐσέβετο τὸν Χριστόν, συνελήφθη ὑπὸ τοῦ ἄρχοντος Εἰρηνάρχου καὶ ἐφέρθη εἰς τὸν ἡγεμόνα. Ὁμολογήσας λοιπὸν ἐνώπιον αὐτοῦ τὴν εἰς Χριστὸν Πίστιν, ἐσταυρώθη· ὅθεν, εὐχαριστῶν τὸν Θεὸν μὲ πολλὰς εὐχαριστίας καὶ τοὺς Χριστιανοὺς στηρίζων εἰς τὴν Πίστιν, παρέδωκε τὸ πνεῦμα καὶ ἔλαβεν ὁ ἀοίδιμος τὸν στέφανον τοῦ Μαρτυρίου.
✥ Τῇ αὐτῇ ἡμέρᾳ μνήμη τῶν Ὁσίων Γυναικῶν ΜΑΡΑΝΑΣ καὶ ΚΥΡΑΣ.
Καταξιοῦνται Μαράνα τε καὶ Κύρα,
Σαρκὸς μαρασμῷ κυριεύειν τοῦ Πόλου.
✥ Οἱ Ἅγιοι ΕΞ ΜΑΡΤΥΡΕΣ οἱ ἐξ Αἰγύπτου ξίφει τελειοῦνται.
Ξίφει θανεῖν ἔγραψαν ἓξ Αἰγυπτίους,
Οἱ τοῦ χρόνου γράψαντες ἄθλους καὶ Βίους.
✥ Οἱ Ἅγιοι Ἀπόστολοι ΝΥΜΦΑΣ καὶ ΕΥΒΟΥΛΟΣ ἐν εἰρήνῃ τελειοῦνται.
Χριστοῦ φυτεία Χρισταπόστολοι δύω,
Χριστῷ σύνεισιν, Εὔβουλος Νυμφᾶς ἅμα.
✥ Τῇ αὐτῇ ἡμέρᾳ ἡ Ἁγία Νεομάρτυς ΚΥΡΑΝΝΑ ἡ σωφρονεστάτη, κατὰ τὴν Θεσσαλονίκην ἐν βασάνοις τελειοῦται, ἐν ἔτει ͵αψνα’ (1751).
Κυράννα παθῶν καὶ βασάνων κυρία
Φανεῖσ’ ἀπῆλθε πρὸς Κύριον κυρίων.