Στέφανος ὑπὲρ Χριστοῦ ἀγωνιζόμενος εἶδε τοὺς οὐρανοὺς ἀνεῳγμένους, καὶ τὸν Κύριον Σαβαὼθ καθήμενον ἐπὶ θρόνου Χερουβίμ, καὶ τὸν Υἱὸν τοῦ ἀνθρώπου ἐκ δεξιῶν ἑστῶτα τῆς δυνάμεως τοῦ Θεοῦ· ὅθεν ἀναδραμὼν ὁ Στέφανος τὸν Κύριον Ἰησοῦν Χριστόν, ἔλαβε τὸν στέφανον τὸν διὰ ποικίλων μαργαριτῶν πεπλεγμένον.
Τοῦτον τὸν Στέφανον πολλοὶ ἀπεθαύμασαν Ἅγιοι, ἐπειδὴ αὐτὸς ἐγένετο στρατηλάτης τοῦ μεγάλου Βασιλεως. Ὅθεν αἰτοῦμαι, Χριστὲ ὁ Θεὸς ἡμῶν, τῇ πρεσβείᾳ αὐτοῦ εἰρήνην τῷ Κόσμῳ σου δώρησαι· τοὺς πολέμους καταπράϋνον· τοῖς πλέουσι βοήθησον· τὸν καρπὸν τῆς γῆς πλήθυνον· τοὺς ἀρρώστους ἴασαι· τοὺς δαιμονιῶντας καθάρισον· τοῖς τυφλοῖς τὸ φῶς χάρισαι· τοὺς παραλυτικοὺς ἀνόρθωσον· τῶν χηρῶν φρόντισον, τὰ νήπια τοῦ λαοῦ σου αὔξησον, ὅτι μέγας εἶ, Κύριε, καὶ φοβερὸς ἐπὶ πάντα τὸν λαόν του· αὐτὸς γὰρ εἶπε καὶ παρεκάλεσε, Κύριε, μὴ στήσῃς αὐτοῖς τὴν ἁμαρτίαν ταύτην· βλέπετε οὖν, ἀδελφοί, μὴ καταφρονήσωμεν αὐτοῦ, ἀλλὰ φυλάξωμεν τὰς παραγγελίας τοῦ Δεσπότου ἡμῶν Ἰησοῦ, τοῦ ρυσαμένου ἡμᾶς ἀπὸ τοῦ σκότους καὶ καλέσαντος ἡμᾶς εἰς τὴν ἐπουράνιον αὐτοῦ Βασιλείαν· ἧς γένοιτο πάντας ἡμᾶς ἐπιτυχεῖν χάριτι καὶ φιλανθρωπίᾳ τοῦ Κυρίου ἡμῶν Ἰησοῦ Χριστοῦ, ᾧ ἡ δόξα καὶ τὸ κράτος σὺν τῷ Πατρὶ καὶ τῷ Ἁγίῳ Πνεύματι, νῦν καὶ ἀεὶ καὶ εἰς τοὺς αἰῶνας τῶν αἰώνων. Ἀμήν.